Парадокс или рационален избор?

Во последниве години, сведоци сме на значајни политички промени во Европа, а посебно во Германија, каде што дел од традиционално левичарските гласачи, како што се Ромите и Турците, почнуваат да ја менуваат својата политичка ориентација кон десницата. Овој феномен, кој можеби на прв поглед изгледа парадоксален, во суштина е резултат на сложената политичка и социјална ситуација во земјата.

Еден од најконтроверзните примери е поддршката на партијата Алтернатива за Германија (АФД), позната по своите екстремно десничарски и антимиграциски ставови. Но, што ги привлекува Ромите оние со право на глас кон оваа политичка опција?

Германија веќе неколку години се соочува со зголемената несигурност, која е последица на миграциските бранови, особено од Блискиот Исток и Северна Африка. Дел од имигрантската заедница, вклучувајќи ги и Ромите, чувствуват дека нивната безбедност е загрозена. Нападите и криминалот што се поврзуваат со одредени мигрантски групи создаваат чувство на несигурност кај веќе интегрираните имигранти, кои живеат и работат во Германија со децении.

Во своите пред изборни настапи, АФД често истакнува дека нивната политика не е насочена против сите странци, туку против оние кои не се интегрирани и кои учествуваат во криминални активности. Оваа реторика на многумина Роми им звучи примамливо, бидејќи во неа гледаат можност за заштита од криминалот што произлегува од новите мигранти, а не закана за нив самите како интегрирани граѓани.

Традиционално, Ромите во Германија беа политички ориентирани кон левицата, која се залагаше за нивните права и интеграција.

Иако на краток рок многумина можат да го оправдаат својот избор на десничарските партии како АФД, останува прашањето дали ваквата промена е во нивен интерес на долг рок. Историски, партиите со десничарска идеологија честопати биле непријателски настроени кон малцинстватапред се према Ромите . Политиките што денес изгледаат како заштита од новите мигранти, утре може да се претворат во политики насочени кон сите странци, вклучувајќи ги и оние што денес се чувствуваат безбедни.

Од друга страна, ако  либералите не ја разберат загриженоста на своите традиционални гласачи и продолжи да води политики кои ја поттикнуваат несигурноста, овој тренд на преминување кон десницата може да стане траен.