Тузла, 17 април 2025 , Градот Тузла беше домаќин на меѓународна конференција посветена на политичкото учество на Ромите и Ромките, со посебен акцент на активизмот на младите. Конференцијата ги собра претставниците на властите, ромските организации, активисти и експерти од Босна и Херцеговина, СЕверна Македонија и Србија , со цел да се зајакне политичката вклученост на ромската заедница.
Градоначалникот на Тузла, д-р Зијад Луговиќ, ја истакна важноста на инклузивноста и еднаквоста во локалната заедница:
Во Тузла живееме инклузивно. Според Статутот на Градскиот совет имаме загарантирано едно место за претставник на националните малцинства, а тоа од самиот почеток е претставник на ромската заедница, која е најбројна во нашиот град.
Организаторите на конференцијата Здружението на Роми „Еуро Ром“ Тузла, „Културен Центар Рома“ Тузла и „Снага на младите Ромки“ ја нагласија потребата за поголема политичка застапеност на Ромите, како на локално, така и на повисоко ниво. Според достапните податоци, во Босна и Херцеговина моментално има само седум советници од ромската заедница на локално ниво, додека на повисоките нивоа на власт нема ниту еден.
Претставниците на организациите порачаа:
Потребно е да се создадат услови Ромите да бидат активни членови на општеството преку политичко делување и да бидат на места каде што се креираат политики не само за Ромите, туку и за сите граѓани.
Особено внимание на конференцијата беше посветено на вклучувањето на младите Роми и Ромки, како клучен фактор за идните промени и надминување на постоечките стереотипи.
Оваа конференција испрати силна порака за важноста на политичката активност на Ромите и отвори простор за нови иницијативи, регионална соработка и конкретни чекори за подобрување на положбата на ромската заедница.
Видео:
Welcome! It’s your first time on this post, and we are glad to have you.
Discover more from EU Romapress
Subscribe to get the latest posts sent to your email.