Шабан Салију: „Не чуствувам вина„

Министерот без ресор Шабан Салиу одржа прес-конференција пред Владата во Скопје. Главната тема беше ставот на неговата партија, Демократски сили на Ромите, во врска со изборниот модел и учеството на независните кандидати и малите партии на изборите.

Во текот на прес-конференцијата, Салиу беше прашан за неговата одговорност во врска со трагедијата во дискотеката „Пулс“ во Кочани, каде што загинаа 62 лица, а околу 200 беа повредени. Како поранешен директор на Дирекцијата за заштита и спасување, Салиу е опфатен со истрагата за овој настан. Тој изјави дека не чувствува никаква вина или одговорност за трагедијата и дека верува во институциите и правосудниот систем на државата. Салиу истакна дека се води од начелото на презумпција на невиност и дека оставува на совеста на државата да одлучи за неговата вина.