Изборот на Доналд Трамп за претседател на Соединетите Американски Држави носи значајна можност за промена на надворешната политика на земјата со големи импликации врз војната во Украина, конфликтите на Блискиот Исток и стабилноста на Европа.
Враќањето на Трамп на власт може да значи критична пресвртница за Европа во однос на стратегиите за одбрана економските односи и геополитичките сојузи
Војната во Украина и политиките на Трамп индицираат можен зафат во позицијата на САД кон конфликтот. Трамп тврди дека може да ја заврши војната во рок од 24 часа преку директни преговори со Владимир Путин и Володимир Зеленски. Дополнително неколку од неговите советници предложија идеи кои вклучуваат замрзнување на конфликтот, или поттикнување на територијални отстапки од страна на Украина.
Доколку овие политики се спроведат може да дојде до намалување или дури и прекин на воената и финансиската поддршка за Украина.
Ова би имало значајни последици не само за текот на конфликтот туку и за Европа која би можела да се најде под притисок да ја пополни празнината оставена од неангажираноста на Соединетите Американски Држави. Евентуалниот исход би ги принудил европските нации да ја зголемат својата поддршка за Киев, што би создало дополнителен притисок на веќе напнати одбранбени буџети, и можеби би предизвикало внатрешни поделби во рамките на ЕУ околу тоа како да се справат со кризата.
Во својот претходен мандат, Трамп одржуваше изразено про-израелска позиција, што беше потврдено со одлуките како што беа префрлањето на американската амбасада во Ерусалим и признавањето на суверенитетот на Израел врз Голанската висорамнина. Овие потези ги зајакнаа односите со Израел, но истовремено предизвикаа критики од страна на Палестинците, и голем дел од меѓународната заедница. Доколку Трамп се врати на власт неговата администрација најверојатно ќе ги продолжи про-израелските политики со фокус на проширување на Абрахамските договори, кои ги нормализираа односите меѓу Израел и неколку арапски нации Иако овие договори беа видени како дипломатски успех тие не ги адресираа главните причини за израелско-палестинскиот конфликт. Сличен пристап за време на втор мандат веројатно ќе ги маргинализира палестинските интереси ќе ги зголеми тензиите во Газа и ќе ја изолира палестинската власт од традиционалните арапски сојузници.
Поширока политика кон Блискиот Исток централниот столб на пристапот на Трамп кон Блискиот Исток, вклучува контрола на иранското влијание Трамп се повлече од Заедничкиот севкупен план за акција (JCPOA) со што ги зголеми тензиите со Иран и ја измени регионалната динамика. Со неговото повторно водство се очекува сличен агресивен став што би вклучувал зголемени санкции и дипломатски притисок за понатамошно изолирање на Техеран.Овој фокус може да придонесе кон зголемена несигурност низ регионот.
Европските земји од кои многу се поддржувачи на дипломатскиот ангажман со Иран би можеле да се најдат во пополаризирана средина што би ги комплицирало напорите за стабилизација на регионот преку преговори и партнерства.
Импликации за Европа одбрана трговија и трансатлантски врски и влијанието на враќањето на Трамп на власт најмногу би се почувствувало во Европа особено во областа на одбраната трговските односи и политичката сцена.
Одбрана и НАТО обврските кој Трамп ги притиска НАТО сојузниците за зголемување на нивните трошоци за одбрана, поради неговото аргументирање дека Соединетите Американски Држави имаат голем товар во однос на европската безбедност. Овој втор мандат на Трамп најверојатно ќе ги обнови овие барања потенцијално зголемувајќи ги тензиите со земјите кои се уште не ги исполнуваат буџетските цели на НАТО. Понатаму можноста за намалување на посветеноста на САД кон НАТО е загрижувачка. Во својот прв мандат Трамп постојано ја доведуваше во прашање ефикасноста на НАТО и навестуваше можно повлекување на САД доколку сојузниците не ги исполнат своите обврски. Овие потези би можеле да ги вознемират источните европски нации како Полска и Балтичките држави, кои ја гледаат силната американска присутност како клучна за одвраќање на руската агресија
Економски предизвици трговија и енергетски односи и политиката на „Америка е на прво место“ на Трамп која често се претвораше во зголемени трговски тензии, и со овој мандат би можел да ги врати овие политики во фокус. Нови тарифи за европски производи особено во секторите како автомобилската индустрија и земјоделството би можеле да предизвикаат нови трговски конфликти со Европа, исто така би можела да се соочи со притисок од страна на САД да прифати трговски договори под услови кои ги фаворизираат американските економски интереси, што би било предизвик за европските преговарачи. Во однос на енергетиката веројатното промовирање на фосилните горива од страна на Трамп, би било спротивставено на фокусот на Европа кон обновливите извори на енергија и зелената транзиција. Зголемениот извоз на нафта и гас од САД би можел да предизвика предизвици за европската заложба за намалување на зависноста од фосилни горива, додавајќи нова комплексност на климатските политики на ЕУ
Потенцијалните политички последици во Европа не треба да се потценуваат. Победата на Трамп веројатно би ги охрабрила популистичките движења низ континентот, инспирирајќи лидери кои ги делат неговите ставови за имиграцијата, националниот суверенитет и скептицизмот кон Европската унија. Ова би можело да создаде триења внатре во ЕУ и да го комплицира процесот на постигнување консензус по клучни прашања како што се миграцијата економското закрепнување и климатската акција, Дополнително ерозијата на трансатлантското единство за глобалните прашања од климатските промени, до односите со Кина може да ја остави Европа сама да се справува со значајни предизвици. Доколку надворешната политика на Трамп значително се разликува од интересите на ЕУ континентот можеби ќе треба да заземе поавтономен став во справување со регионалните кризи и развивање нови одбранбени сојузи.
Discover more from EU Romapress
Subscribe to get the latest posts sent to your email.
