Te na ovel žalosno ka ovel smešno, no rojbaske, talo so sikavaja kozom sijem doresle te svatina i politika koja so nekaske tali sal biznis interesija, bukjarne thana , nekaske samo publiciribe, a nekaske sal te probinel piri srekja, bez razlika baši pire kapacitetija.

Ednostavno, siklilem so ama ič na trebela te ovel tut kapaciteti, bitno talo, bilo koj te pravel piro muj ano FB thaj sig posig iklola okoja fraza taro kultno filmi „Sutjeska“ Napred tifusari preko vode do slobode“.

Šunava akana kandidatija iklola o Memo, Džemšiti, i Pakjiza… thaj o Džemo ( o anav lendo taro ironicno statusi taro miro kolega o Salija 24 vakti) iklona thaj okola kola so isilen pendžarde anava ki Šutka, ali niked ni na mrdingje vasteja baši bilo savo progres sem disave fotke ko FB demek ake bla bla. Ok džanaja but šukar kozom sijem amen spremno te falinamen bunareja, iako o bunari čučo beršencar, pošuko nego i Sahara, ama sepak isile nekobor fotke, isile but dromaribe levo desno upre tele, a sem odova pali peste nane le ništo kolea bi vistinski falinelape, sem o čuče lafija baši mardi prazna slama.

Tari javer rig palem so šunava , neko sar „bašno“ vazdime kolineja te pene nasvalo taro „pileči gradi“ javno deklarinelape sar pobedniko, soske pali leste bešela partija. Koja partija, savi partija, kaskiri partija?

Na vakergja li leske nekoj so isile baro političko iskustvo maškar o Roma, a pred se ki Šutka, kaj amen nikoj thaj niked dži akana na glasinaja baši partija, nitu izborna programa, nego glasinaja baši LIČNOST, Halo bree panda li ačiljan ki Nokija 3310?

Doduša ni na trebela te šuna o izborno programe soske sako izborno programe si copy paste, vrabotuvanje, zgolemuvanje na socijala… k*r se trese.

Muk sa nego so akana rodena o sončogledija ko sa akava, zarem lengoro muj panda učarde ovčo škembaja?

Sigurno štom na ladžana te iklon ko jakja anglo piro elektorarti nane somnež deka na ladžana.

Pašlovindor taro političko kreveti ko kreveti, na ačilo nijek kreveti sastrnalo kova so ka ikerel lengoro politikakoro orospiluko.

Sa adala si vreme frdibaske ko političko otpad.

Za žal nikoj na dikela sposobnost thaj o delija dikena koj sar so ka grabinel ,te sikavelpe pobaro patrioti taro čaučutne patriotija kola so dži akana sikavge piri buti.

Akava amaro virus kova so pali peste ingarela posledice kola so ačona dolgotrajno sar soj: ljubomora, sebičnost, bolest na visoka vrednost, ka trajnel i poadari ki amari šteta.

O virus kola so širinenalen akala upre navedime kategorije manuša za žal sa pobuter inficirinena o gogja okolengere kola so sar bakre prastana de ki akaja rig , de ki okoja rig.

I romani medicina za žal panda na araklja vakcina baši akava virusi, barem na akanaske.

Total Views: 49 ,

Leave a Reply

Your email address will not be published. Required fields are marked *

Translate »