Panda taro 1947 bersh o Telo komiteti taro Pashakerde nacije bashi chinajbe e diskriminacia thja etnikane niamia alusarda i Rezolucija ani Zheneva savi akharel sa e mebro taro Pashakerde nacie te araklen o naimia e romane etnikane kupatnegiri, te delen jek ka jek niamia kola so isi thaj ko javera dzaini ; thaj te oven koncentririme ko mujalipe e diskriminacijakoro thaj predrasude upral ko Roma.
Palo 43 bersha tari akaja andi deklaracija o hali e Romengoro sar jekkajeutne nane trampimo.
Panda o thema akcenteja ko Pachinali Evropa taro poskomunistikane thema maskahr kaste si thaj meborja taro EU na kerde khanchi te bi trampinena o kursi taro ple biniamali politika ko sa o sfere e dzivdipaskere e Romengoro.
Akala phuvja na sukceringje te anen pozitivno politike mujal odola politike ko vakti kana palo peribe taro komunizam e Roma sine maj angle mukle taro ple bukjarnipe.Thaj akava procesi thabdela i avdive kote so pobuter Roma nasti arakena buti sebepi so si sal Roma.
Lengoro dzivipe pobut shaj pandaja le sar dzivsipe taro dokumentarno filmi
“Survival in the wild“.
O romano puchibe nashti kolaj te ovel faisalimo ko vakti kana o polichko elite valjani lenge nacionalizam sar target bashi ikeribe o kapitalistichko statusi.
Ko than jekautnipe o majoritetno nacia prekal piro konstitutivnikano dokumenti kerelpe si suvereno thaj superiorno anglo e Roma.
Bashi e Roma si bishajdipaskiri misija te oven socijalno chivde te bi shaj lena than ko socijalno thaj politicko dzivdipe bizi lengoro socijalno thja politicho eliminiribe.
O « ciganzizam » si jek jqver forma taro rasizam thaj bi tolerancija so panda dzivdinela ko pobut evropakere sasuitnipa kova so dela etiketa prekal i kriminalizacija thaj i marginalizacija so si toleririmi taro politichko parte.
Ko persi bersh avgo drom si andi zorali deklaracija ko Sumnaleskoro nivo bashi chinajbe i diskriminacija upreder e Roma. E Evropakiri komisia angja zoralo dekreti thaj akhargja ple membroja te alusarinen zorali strategija mujal akala bilachipe upreder e Roma, thaj te den raporto sako dujto bersh bashi implementacija
thqj te diken o progresi trujql i analiza ikerdi tari Agencia bashi fundavnikane niamia thaj informacije kola so ka len taro NGO.
Akava deshe bershengoro plani shaj anena pozitivno rezultatija dzi kote amn korkori na araklovaja ko jek emocionalno patriotsko hali so dzi akana sine amanege barikada bashi amaro nacionalno progresi.
O drom so dzi akana sa sa trasirimo bashi vazdipe o nacionalno kor amende sine legardo prekal o materijalnikao interesi.
Te bi shaj anaja ki pozitiva akaja dese bershengiri strategija tari Europakiri Kmisija trebul amenge kolektivno mobilizacija koja so ka delamen rig ani kolektivno emocionalnost.
Asavko trairimo drom ingarla ko jekutnipe bashi jekautnipe; trampa bashi amare dzivdipaskere navike thaj korkori te da mujalipe prekal i diskriminacija thaj predrasude upreder amende; no vi agjar te eliminira e hipokritetn so dzi akana anavkerena pe sar romane patriotija.
Amen shaj keraja odova sal trebul te trampina amaro GPS
Mozes Solomon
(Muhadjer Sulejman )
Discover more from EU Romapress
Subscribe to get the latest posts sent to your email.
