O neve ande decizie tari germanijakoro guvermento baši o manuša kola so mangena te kuven ki akaja them taro akava berš kharanatar tari Corona 19 ka ovel administrativnikano pokomplicirime.
Te bi šaj kuveja ki Germanija taro akava berš ka trebul tumenge te pheren prekal o internet dokumenti „EINREISEANMELDUNG“ thaj te štampinenla.
Vi agjar ka trebel tumenge te pheren „SELBSTDEKLARATION“ kote so ka hramonen kaste džana ani vizita, soske džana thaj kozom lungo ka oven odote.
Džikote tumaro džajbe pandelape paše taro tumari familia sar soj dad, daj, phral… ka trebl tumenge vi agjar dokumenti taro lengoro bijandipe.
Dži kote džana te vizitirinen tumare partnere ka trebul tumenge dokumenti
„EKLARUNG ZUR BEZIEHUNG“.
Ponaadari ka trebel tumenge kopia taro pasaporti taro manuš kaste ka džan, deklarativno adresa kote ka oven thanarde, negativno testi tari Korona na popurano taro 48 saatia thaj akharin taro manuš kaste so ka džan te keren vizita.
Ko agor sa akava trebula te den kriso so sa o bukja hramorde ko decizie baši neve protokolia baši kujbe ki Germania si upreder tumaro gndipa thaj ka ikeren len tumare gogjake sar bi kerena sa tumari thaj javerengiri protekcia.
Sa akala lila trebul te bičavepes prekal email adresa dži ki najpaše policiakoro stacioni so araklola paše uza deklaririmi adresa tumare thanaribaskiri.
Discover more from EU Romapress
Subscribe to get the latest posts sent to your email.
