Spread the love

So i odova so džanaja baši o Avgo Romano Kongresi thaj baši o IRU ( Internacionalno Romani Unia).

O Avgo Romano Kongreso sa sa kerdo ano 1971 berš ano London prekal i inicijativa taro tegatutne romane aktivistia, sebepi te formirinelpe jek zurali asociacia romani kova so ka del dumo prekal o themakere institucie e romane problematikake thaj romano internacionalno pučiba.

Akava berš o Avgo Romano Kongreso ikerela plo 50 berš taro leskoro fundavnipe.

1978 berš ano dujto Kongreso so si kerdo ani Geneva kote lele than paše 120 romane delagatia sa formirimi o IRU so dži akana ačola akale anavea.

Trebul te dika i diferencia maškar akala duj anava thaj i avgo inicijativa te lala sar šerutni .

O avgo tegatutne delagetija sa sa bare romane patriotija kaskiri misal sa te kheden e Romen andar sasto Sumnal ko jekh than thaj lengoro organiziribe andre ko institucionalno servisia.

I target sine o romane generacie kola so ka aven pala lende te den zori upreder o terori, antiromanizam, diskriminacija , predrasude thaj stereotipija thaj o importatno lengoro target sa o sumnal te lel o romano genocid sar samudaripe e romengoro ko vakt taro Dujto Sumnaleskoro maribe.

Akaja misal thaj iklojbe tari trasirimo drom so mekle amenge akala amare romane aktivistia našavgemlen taro generacije kola so lile o uče thana pa la ki formirimi i Romani Unia.

Palo ko VI Kongres so sa ikerdo ani diz Lunčiano ano Italia kote so presidenti sa o Stanislav Stankievič o vordon e IRU-skoro startungja bizi kontrola te uljel tele, thaj ko than te ikeren o target misal so sa ande sar decizie ano Avgo Romano Kongreso ule individualno populističko interesi e šerutnegoro taro IRU.

Sebepi akava palo ko VIII Kongreso e IRU-skoro prekal o difertno stavija odredeno delegatengoro, o IRU ulavelape ko trin kotora IRU Romania , IRU Latvia thaj IRU Makedonija.

Akava ulajbe angja ulavibe katar o šerutne intersia e romane problematikakoro thaj sikavela so o publicizam jali o individualno interesi si avrijal taro nacionalno inters e Romengoro.

Ko than o IRU te khedel amen ko jekh than thaj kupatne te da zori mujal o problemia kolesa araklovena e Roma sebepi akava amen sijem ulavde ko sa o riga.

Ulavde sijem prekal i chib, prekal i religija, prekal i politika, prekal o manuša kas so isijemen sal simpatija bizo te dika lengere kapacitetno resursia.

Ulavde siem ko but bukja kola so si amaro nacionalno patriotsko mangipe, thaj akana sijem ulavde vi agjar baši akava 50 beršengoro jubilei .

Kaskoro si o Jubilei taro Avgo Romano Kongreso jali taro IRU, ako talo IRU kova IRU, soske so trin IRU vakeren kaj si ov odova čačutno IRU.

Dži kote tumen dikena ko si o čačutno IRU amen ka ikera o 50 beršengoro jubilei taro Avgo Kongresi e Romengoro soske ov pherela 50 bersh, dži kote o URU akava berš pherela 42 berša kana si formirimo ani Geneva 1978 berš.

Mozes Solomon

(Muhadjer Sulejman)

Loading


Discover more from EU Romapress

Subscribe to get the latest posts to your email.

Discover more from EU Romapress

Subscribe now to keep reading and get access to the full archive.

Continue reading