O pendžardo Irsko UFC faiteri , o Konor Megregor tano bi čalo pali onašavdo matč e Dastin Poarije.
O Konor sa sa nokautirimo ko starti tari dujto runda tari taro Amerikanco ki šerutno fajter UFC 257 ko Abu Dabi.
“Pharo mange bašhi o našalipe” , vakerga o Megregor.
“Mo pro nane panda sanirimo. Me sem ani godi so ka ovel shukar, miro muskuli tari angluni rig taro mlo pro tano bi šukar . Našhti sa te ikerama Bahtarava e Dastineske, bahtalo sijum baši leske ”.
Ko pučibe taro jurnalistia bašhi o iavutne plania, o kontroverzno Irco vakerga:
“Ka kerav but pojaver avibe ko amaro trinto dueli e Dastineja. Asavke telune kujba trebela te lenpe serioznikane. Khuvelama sa but zoraleste ko pre, asavko diso dži akana na dodžargum”.
Tari javer rig o Poarije, na garavga i plo čalipe bašhi o revanšh matči mujal piro baro rivali, koj so viktoringjale ko avgo matči ko 2014 beršh ko Las Vegas.
“Akana siem 1:1. Šaj ka ka trebul te maramen panda jek drom . Numa angleder sa, but sium čalo . Akava sa matči bašhi titula. Dikhavaman sar šhampioni” , vakergja o Amerikanco.
O Poarije ki pi kariera dži akana kergja 27 viktorie thaj 6 našaliba , a interesno buti so sukcesingja te garavel o oreol bašhi bi viktoriali ko pata pata matčia , thaj em si ko gndipe so ka ovele šhansa te marelpe bašhi titula ki lokhi kategorija.
O Megregor akanaske isile skor taro 22-5 em olestar džakerelape panda duj matčia akava beršh.
Avtori: Sultan Sulejman
Photo: Handout/Getty Images
https://korner.mk/mcgregor-pharo-mange-bashi-o-poraz/?fbclid=IwAR0qPF5BROOEcBHNylEN5F8e33AhgFsBfZudFxY5NvFd8xTWnRfaAxi-QjQ
Discover more from EU Romapress
Subscribe to get the latest posts sent to your email.
