O Pol Polanski „ Kampi maškar o olovo e Romenge“

O Roma ki vrama tare kosovakoro maribe sa thanarde ko than kote si hemikalie.

O amerikakoro gakaj (pisateli) o Pol Polanski ki kupa e Network RAN organiziriena video konferencija anavea „ O bilačo romano kampo“ O Pol Polanski si pedžardo baši pire štampime lila baši kosovakere Roma thaj lengoro bilačipe ki akaja purani srbijakiri pokraina, akana them indepedent. O Polanski hramongja lila kote so sikavela e romane viktimenki vrama taro kosovakoro maribe. Ov hramonela so kana o KFOR kuvgj andre ano Kosovo, ani Kosovakiri Mitrovica e Roma sine paldime anglo jakja taro NATO soldatia, lengere khera sine tahrde thaj čorde. O Polanski sa vi agjar kana kergjepe o hari vramakere kampia kote so sine thanrde e Roma, ko pašibe tari fabrika baši olovo ani Trepča, kola so avdive ki fuhal iklona but nasvale baši so sa trujme taro hemikalie e fabrikakiri. Ov sine ko 1999 berš ko than thaj sikavgja akava skandali prekal pire lila. Relativno sig sine sikavde ko rat so but manuša sa sa len trujmale hemikalie taro olovo ano rat. Ov ani Amerika legarela sa kampanja akala manuša te oven prečivde ko vaver than. O Polanski but berša dela yine zori baši e Romano krisi. Kolea so cidingja o dikhin e čumiakoro baši akaja etnikani kupa andar o Kosovo.