Akava da berš sar persi sijum sine invitirimo te ovav kotor tari ZOOM konferencija koja si organizirimi taro Maison de Potes ( Kher e amalengoro) asociacia so kerela mujalipe baši sako forma tari diskriminacija, taj isila ple biroa ani sasti Francia. O kher taro amala ( Maison te potes) ko nišankribe e diveskoro 21 mart mujalipe tari rasna diskriminacija ikerga ZOOM konferencija kote so sine akhardo thaj o eksperti baši eksta dahnal (ekstra desnica) e rajo Nilola Lebur. O Nikola Lebur si eksperti baši ekstra dahnalipe thaj si rešaržeri (istražuvači) ko centro baši političko studie taro Europakoro CEPEL ko Univerziteti ano Monpelie. O Lebur si šerutno ko komiteti VIORAMIL ( terori, radikalizacia thaj militatia ani Francia). Vov si vi agjar membro ki Opservtaoria baši politikano radikalizam ORAP, tari Fondacia Žan Žores.

Ki akaja konferencia sa akharde tha pobut manuša reprezentia taro diferetno asociacie kola s kerena zori thaj si militantia baši manušikane hakaja. Ki konferencia sine kerdo lafi baši ideologia tari RN politikakiri partia koja si ekstrermno dahnali thaj si jekh so ikerela bi lačaripe e principengoro tari Republika.

Agjar sine vi kerdo jekh tikni istorijati baši lejbe than akale političko partijakoro kna sa lideri o pendžardo nacionalisti o Žan Mari le Pen, kola so sako fore sine mujal baši ande krisia baši manušikane hakaja thaj o sankcioniribe taro eliminacia taro rasizam. Numa vi palo ko džajbe e Le Peneskoro ko šerutnipe e parijake avela i čaj leskiri i mari le Pen koja so sal jekh tino kotor trampinela. Voj vi palo 50 berš sar političko partija na trampingja piri rasistikani politikakiri ideologia, thaj ko sako alusariba te bi šaj te cidele e voten kelala ki karta taro nacionalno nacionalizam.

 

 

Total Views: 61 ,
Translate »