Spread the love

Trujal amaro korespodenti tari Argentina o Jorge Bernal, i situacija e romencar ano Brazil thaj Venecuela si alarmatno.

O Brazil si dujto them ani lumia koja so si astarde bare numeroja inficirime e viruseja Kovid-19, thaj si vi agjar ko uče thana taro meribe akale virusestar. Ko sa dava lengoro čhorolipe thaj o bibukjarnipe sikavela i užardi realnost. O Brazil astarekla jekh štarengiri taro sa o viktimia andar i Lumia.

Vi ani Venecuela i situacija e romengiri e virusea nane lači. Prekal amare informacie isi but familie kola so si nasvale taro akava virusi. But džene tari jekh familija si nasvale jali inficirime taro Kovid-19, thaj but džene mule. O sasljaribaskoro centro ko akala duj bare latinikane thema kerela baro zori mujal i pandemia, thaj vi akala Roma lena than ki hopitalizacia.

 

Loading


Discover more from EU Romapress

Subscribe to get the latest posts to your email.

Discover more from EU Romapress

Subscribe now to keep reading and get access to the full archive.

Continue reading