Jekh grupa Roma andar i dansko diz Stockolm ,avdive iklie anglo kosovakiri ambasada ki akaja diz, mangipaja te roden taro kosovakoro govermento te andinel e romane viktimia tari vrama e kosovakere konflikteske.

Vi so akaja kupa sine kedime ano tikno numero , akava sikavela o zor so e Roma niked na ka bistren e viktimen taro akava konflikti, thaj ko jekh gndipe baši sa o našutne thaj mudarde Roma.

Trujal odova so but Roma kola so ačile dživde našle andar o Kosovo, but okolendar so ačile ani adaja them thaj palo ko avibe e KFOR-eskoro ola panda nane siguritetno. Diskriminacija si panda uči ani nevi them Kosovo, tortura bi hakaja si sakodiveskoro dživdipe akale romengoro kola so ačile ano Kosovo.

Thaj vi so asavki situacija si bilači but europakere thema iranene e našutne Romen ano Kosovo, bi so lengere čave si bijame avrijal andar o Kosovio vi so ni džanen te keren e albanijakiri čib.

O Organizatorija vakerena so asavke protestija ka oven i poadari sa dži kote oficijalno o kosovakoro guvermento na andinela so sa sa romane viktimia ki vrama taro kosovakoro konflikti.

Total Views: 91 ,

Leave a Reply

Your email address will not be published. Required fields are marked *

Translate »