Angleder i panel diskusija so si kotor taro proekti „Europakere perspektive“ teloikerdi taro Ministeriumi baši avrutne bukja tari Sojuznikani Republika Germanija, kote than ka lel thaj o vice premeri tari R.S Makedonia Artan Grubi thaj o nacionalno kordinatori baši interkluturalizam o Robert Alagjovski, o romano aktivisti thaj jurnalisti taro Civil Media o Dehran Muratov ki akaja panel diskusija ka iklol pire staveja.
Sar so so hramomo ano portali Civil Media o Muratov havljarela so „ Amen sijem akate te vakera lenge baši bukja kola so isi šajdipe te kerenpes, numa trebula pobut buti, na sal deklarativnikane havljaribe palo ko agorkeribe e čipotakoro, soske amen panda sijem e pireja ko jekh than“.
O Muratov havljarela so si jekh taro pozitivnikani misal, taj i misia te ove sukcesivno Rom avrijal taro romane thana si šajdipe, numa butisaribaskere pharipaja, ali prekal sa akava akaj misija šaj ovel sukcesivno.“ Amende isijamen percepcija te ova monotoistikane.Isijamen romane NGO sal baši e Roma, isijamen mediumia kola si sal jeke etnikane jekhinake. Numa me sijum misal so kerava buti ki jekh multikulturnikani pašin“.
Ov dela akcenti so sar Rom na kerela buti sal baši e Roma, numa kerela generalno buti baši savorenge, baši e džuvlja, baši LGB jekhin, baši o Makedoncia, Albancia, Khoraja …
„ Isi progresi, odova dikelape. E romane džuvlja na prandinenape ko 12 jali 15 berš, but lendar agorkerena uže edukativnikane škole, ki diferencija taro romane murša. Me pakjava so savore perena o europakere barikanipe thaj pakjava so amen šaj keraja jekh sasuitnipe savorenge“.
„Dži kote mangaja te ova kotor tari Europa, trebela te meka akava istamalkeribe tari etnikano preperibe, o nacionaliza, thaj te iranamen ko odova so ingarela respekti tari diferencija, ko multikulturitetim anglo sa e respektiribaja o kvaliteti e manušeskoro thaj lskroro sposobniteti baši buti“ – vakerela o Muratov.
So igarelape ki panel diskusija koja so agorkergja avdive, ov vakerela so amari them ulavela evropakoro barikanipe baši sama, tolerancija taj o šerutnipe baši o hakaja. Akava si dendo vitktimi baši sama. Amaro regioni naklja pobut vrama ko maribe no na ki sama“ ingargja o vice premieri Artan Grubi.
Tari vaver rig o Robert Alagjovski baši o anav e panel diskusijake „Europakere barikanipa bi šajdipaskiri misija“ vakerela so akava si retorikano puchiba jali šaj te ovel jalina diskriminacia, jekautnipe thaj respekti baši multikulturiteti ko sasuitnipe.
„Amen nane jamen vaver alternativa sem te teloikera thaj te pakja ko europakaere barikanipe, thaj sijem panle te realizirinalen“- vakerela o kordinatori baši interkuluriteti o Rober Alađoski.
https://civilmedia.mk/muratov-za-utrinski-brifing-ako-sakame-da-bideme-gragani-na-evropa-treba-da-se-nasochime-kon-pochituvane-na-razlichnostite/
Discover more from EU Romapress
Subscribe to get the latest posts sent to your email.
