Sajdime Romale,
akale posteja mangava te bicalav jek Apel dji sarinende tumende te arakhen tume thaj tumaro sastipe. Dikindor e sastipaskiri situacija ko nacionalno thaj lokalno nivo o bukja dostaj seriozna thaj alarmantna, i drzava thaj o institucije na kerena pi buti odoleske acola korkori amen te la o bukja ke amare vasta.

   Dzikote o drzave kola soj uzi amende tane liderija ki vakcinacija, aktivno kerena buti ko arakhibe o sastipe e dizutnengoro amare edvaj nabavingje nekozom vakcine, dikena o provizije thaj o licno/manterijalna interesija a djikote o sastipe e dizutnengoro tano dujto jali trito ko prioritetija lengere.

Sebepi asavko postavibe e institucijengoro sijam ki akaja sostojba savi so sijam.

   Zamolinava tumen te izbegina o grupiribe (povishe djene ko jek than), o bizo potreba dvizibe ko pravde thana, zadolzitelno te pocitujna o zashtitna merke em ko naj tikne simptomija te dja ko doktorija em te roda te testirinen amen.

    Samo e samodiciplinaja thaj pocitujbaja o merke shaj te podobrina i celo slika, a pali odova sa ko naredna alusariba ka rascistina mashkari amende nekas ka nagradina a nekas ka kaznina. Panda jekputi ka zamolinav tumen sarine ko prvo than te ovel amenge amaro sastipe a posle sa, neka o Devel arakela amen sarinen
Total Views: 58 ,
Translate »