O FK Napredok tari jekhutni romani Komuna Šuto Orizari palo dobor berša pasivnost ki majsig vrama ka khedel thaj ka kompletirinel piro timi baši starti ani aprilsko dizhjakiri liga Skopje.
Asavki jekh bari motivacija si kerdi prekal o majori e komunakoro Kurto Duduš, kova so dengja lafi so i Komuna prekal pire finasisko resursia, ka startujnel dejbaja vas akale terne chavenge , te sikaven pes ko javer roš ko sporti kova so maškar o dizutne tari akaja komuna o fudbali si but popularno.
O terne entuziastia taro akava sporti ka oven telako jekh timi pendžarde anavencar tari Šutka fudbali sar soj o Gani Gani purano romano fudbaleri, Mirsad Bahtijar kova so but berša napalal sa treneri terne chavencar thaj sikalibe fudbalsko khelin, akanutno sportsko direktori Almir Duduš, kova si vi konsilieri ki Komuna Šuto Orizari baši komunakoro sporti.
Ko pandžto di akava kurko ani Komuna ka ikerelpe khedin, kote so ka kerelpe lafi baši ponadarutne aktivnostija e FK Napredok, sar soj avgo prioriteti i prerigistracija, baši so leskiri registracija naklja thaj o štambilia kola so sine e purane šerutnipe taro akava klubi našavdile bizo te arakenpes.
Palo akava prioriteti e administritivnikane registribaja o klubi thaj leskoro timi taro manuša kola so ka kheren buti e fudbalerencar ka keren sporsko akivnostia kolea bi o timi lela sa pobaro fizikakoro dumo te bi šaj akana taro april kana ka startujnel i dizjakiri liga Skopje jek ka jekh te bešel zorale ko lengere avutne khelina, kotar so ala džekerena kaj ki majsig vrama šaj lena than ki trinto liga tari Makedonia.
O Šerutnipe taro akava timi pakjala ko kapacitetia e khelavutnegere, thaj vi agjar pakjana so i motivacija kaj i Komuna Šuto Orizari ka bešel pali lende, so vi agjar si ko avutne plania i Komuna te thamakerel o fudbalsko stadioni , dela pobut motivi lengiri khelin te sikavelpe sar but zorali.
Ko starti i Komuna ka del zori akanaske o stadioni te ovel rekonstruirimo dži kote ovela kompletirimo ko avutne proektia tari Komuna.
Discover more from EU Romapress
Subscribe to get the latest posts sent to your email.
