I Danska ka exportirinel e azilanten ani Afrika

I Danska si avgo Europakiri them koja so mangela o manuša kola so rodena azilanti ki Danska te exportirinelen ani Afrika.

Numa asvaki ideja akanaske na ka šaj realizirinelape soske panda na araklape phuv ki Afrika kote so ka den than baši prifatibaskere centrja baši manusa kola so rodena azili.

O dansko parlamenti asavo kanuni šaj anela kana o manuš so ka rodel azili arakhlovela ki teritorija tari Danska, vov ka ovel precivdo ko kampi ani them ki Afrika kote so ka džakerel o džovapi taro Ministeriumia baši andrune bukja e danskakoro. Ov šaj avela ki Danska keda ka lel pozitivnikano statusi.

Baši asavki ideja o EU nane le kanuni kova so ka mekel asavki postapka te ikerelpe ki vaver them avrija tari adaja them.

Dži akana nijekh thme ani Afrika na mangela te ovel kotor taro akava experimenti.

Numa vi agajr o asocijacia baši arakhibe e manušengere hakaja thaj o hakaja e migrantengiri darana sebepi o korumpirime govermentija ani Afrka te na astarenpes akale idejaja dži kote i Danka pokinela bare love te bi ovena prifatii akaja ideja.