I organizacija Kale amenge tari Portugalija, ki kupa pobut numero annti fašističko organizaciencar, organiziringje avdive ki diz Koimbra ani Portugalija anti fašistikane protestija.

O protesti sine čivdo akcenteja baši pokana taro Ventura e italijansko ex ministeri baši andrune bukja tari Italija o Mateo Salvini.

O Mateo Salvini sine pendžardo ki vrama taro leskoroministeriumi baši pire rasistikane politike mujal e Roma, anglo sa Roma migrantiaa tari Istočna Evropa.

Jekh taro majbilače politike kola so manglja te anele o Salvini sine i fraza leskiri kote so vakerela:

Akana hramona sa e Romen sem o italiansko Romen, soske ani fuhal amen trebula te ikerelalen ki javer rig“

O Salvini si membro tari politikani italiansko partia anvakerdi Severna liga koja si pendžardi sar extremno dahnali partija.

O romano aktivistija tari romani organizacija Kale Amenge beršencar dena mujalipe baši rasistikano buti keribe ani sasti Europa thaj vi agjar ki Purabali Europa kote so i diskriminacija thaj o rasizam si but diklo trujal ani Centralnikani Europa.

I Sebijan Fejzula koja si membro ki akaja organizacija ko plo jk statut, akava proetesti akkcentirinela le odoleja so o zori uprder e gadže si o romano barikanipe.

Nane bešipe amenge nitu ko purano kurko. Amaro baro čalipe talo te dika amare manušen sar iklovena ko droma ani Koimbra kola so protestirinena mujal o avibe taro Mateo Salvini thaj Ventura portugalsko fašisti. O maribe zaruri si te džal poadari“ vakerela o Sebijan Fejzula.

Najbaro dumo e Sebijanake dela lakoro rom o Kajetano Fernandes lideri ki akaja organizacija ko si skientifiko ko Centro baši socijalno studie a si integririmo ko proekti politika baši anti rasizam ani Europa.

Ki vrama taro protestija sine but antifašistija antifašistikane parolencar.

 

 

Total Views: 56 ,

Leave a Reply

Your email address will not be published. Required fields are marked *

Translate »