Kud Phralipe, dujto kotor taro Ramče Mustafa

Isi but bare pučima baši o achavde bukja palo ko rasformiribe akale romane pendžarde pusakoskoro ansablo, kaj našavdile o šeja, o plakete, thaj javera pursakia kova so akava KUD romano lila ko but bare internacionalna festivalia?

I reorganizacia akale Romengoro khedibe,save so dzivdinena sine kho nevo than khedibe”Shuto Orizari”-rodela sine but buti tharo Opshtestveno-politikano hem Kulturakoro angazmani , tharo sa o forme hem nivoja  e Romendar tharo Skopje. O rajo Abdi Faik ple uzaloleste bukharne amala ingarena sine o KUD”Phralipe”angle, nakhindor mashkar bimirime panja e Kulturakoro egzistibe kho Roma. Kherindor trampibe e instruktore-koreografe e Veape,bashi o majtherno,majdzando, hem maj ambiciozno instruktori-koreografi, o Ramadan Emin(Abdi) o phral tharo o rajo Abdi Faik,savo bashi plo ajudanti-korepetitori alusarda e Bejzate o majphuro khelavutno thari jekto khedin khelutne(folkloristija).O KUD”Phralipe” khergja shtar khedinja (generacie) khelutne hem khelutnja (folkloristija hem folkloristke) save so khamena sine amare Etnoseskoro Folklor.

Ple neve koreografsko koncepteja o Emini ,hemindor o phurano hem o nevo khelibe kho Romano khelibe,a kda chivgja e Makedonijakoro hem o Jugoslavijakoro folklor khi programa,i Programa tharo “Pralipe” uli univerzalno shukar, scenski hem koreografski. Khergjepe but Koncertija,ljeljape than kho but Manifestacie,Festivalija kote sarine marena sine ple palme. Mashkar o but lele padakija, diplome,thaj javera pursakija kho: Ilindeneskere divesa e folkloreskere, Ohrideskoro nilaj, Skopjeskro nilaj, Evropakhere festivalia,hem but at elevizijakere ikljojba, shaj te ulava o “Harkumalo khi men pirajbaske lanco “thari diz Dijon” Francia, o “Sumnakuni patrin e Tatrengiri”-tharo Zakopane Polska, thaj javera. O but koncertija,defileja, Festivalija, Turneje,kherena o KUD «Prhralipe » -pendzardo te ovel o Romano, o Makedonsko thaj e Jugoslavijakoro folklor khi Evropa. Kho akava vakti uzal o Romane sheja (nosija) sine olen hem Makedonijakere hem Jugoslavijakere sheja (nosie) koleja sine avtentichno o Folklor. O ucho kvaliteti thari prezentacija genjelape sine kho Arte, khi Evropa phenena sine olengje thumen sijen Artistija (Baletanija).

O mangipe tharo KUD”Phralipe” te bajrovel kho Profesionalno nivo sar Ansanboli e Romane Folkloreskoro-neve registracijaja achilo bizo mukibe tharo e Radzakoro sistemi,soske sine hem valjani te ovel salde jek Ansamboli khelibaske hem giljengje khi Makedonija salde o “Tanec”. Normalno kaj o KUD”Phralipe” sar sa javera khedinja sine ole andrune personalna problemia,organizaciona,hem ekonomska bilache vaktija. O therne bajrona sine o pophure phujrona sine,o chija prandinenape sine, disave bizi buti,rodena sine buti,javera kompromitirinena sine ole (ladzavkherena) sine o KUD thaj na sine eksamplo javerengje,hem avela sine dzi kho kadrovska problemija. Kherindor buti e siklovnencar hem e thernencar tharo mashkarutne siklovna thari diz, a sar jekto i decisia tharo Anglebeshutne o (Pretsedatelstvo) ple personalno primereja te anen ple chien te sikljon hem te khelen folklor. Agjaar kherdi i trinto thaj i shtarto generacija folkloristija hem folkroriske save e jekto ekipaja angje majshukar presentacije kho Skopje,Makedonia hem khi Evropa. Kho 1971 bersh ikergjape hem o Jekto Sumnikano Romano Kongreso” kho London kote ljelja than hem o rajo Abdi Faik. Soro vakti tharo eksistiribe tharo KUD”Phralipe” sine hem ideoloshka mariba, na jek dikhibe mashkar e politikakere strukture hem e kulturakhere aktivistija. O nevo politikano vakti angja nevo Ustav khi SRM,SFRJugoslavija( Samoupravno sistemi) khergjepe neve Radzakere strukture,neve Alusariba”Delegatski sistem”,khergjepe SIZ kho sa aktivnostija, KPZ kho sa Komune hem dizja. Khi esavki politichko klima o KUD ”Phralipe” kova na sine multi kulturalno,znachi samo Folklorno khedibe,a tharo maj angle sine rodibe tharo disave Kulturakhere khedinja kola so sine kho beshutno than “SHUTO ORIZARI” sar:A:T:”Phralipe,Literaturno klubi” J.B.Tito”, L.K. “Luri” angjape decisija (odluka) kho KUD”Pralipe te kherenpe o Teatro e Romengoro ”Phralipe” ple ideologeja rezisereja Rahim Burhan hem o literaturakoro Klubi”Pralipe” kho chekat e Sulejman Jusufeja. Dzanaja o Teatro “Phralipe” ple kvaliteteja dzi khaj reslja (Sumnaleskoro festivali bashi teatro” kho Nansi,a i literaturakiri komponenta achili soskhe o Sulejman Jusuf naklja kho Politicharija. (cv sine Delegati kho Sobranie na SRM ofto bersh (prateniko).

O Teatar”Phralipe”ple kvaliteteja rodela sine than khi profesionalnost, a o literakoro Klubi rodingja preregistracija so majbare stepeneja na prezentacija. Bashi o Teatar na sine than kho “Teatar na Narodnostite” kho Bitpazar,a e poetengje na sine ustavna kategorija esavke organizacijakhe. O Romano teatar”Phralipe” gelo kho Kher e Ternengoro “25 Maj”. O Folklor kherela sine buti kho ista uslovija bizi profesionalnost savi so rodelape sine. O nevo politikano sistemi rodela sine metode sar te achavi i kvalitetno hem kvantitetno, prezentacija e Romane kulturakoro. Sar oponenti (konkurenti) bbashi o KUD”Phralipe”, sine kherdo o KUD”Aleksandar Udarevski-Stanko” kho Butel,kova realno na sine ole nisavo kvaliteti hem achola sine palo kvaliteti tharo KUD”Phralipe”. Jek dive na dzanava kaskere mangipaja, oleskoro personalno, ja tharo e Radzakere strukture o rajo Abdi Faik-gelo ple romnaja kho Pert-Avstralija.(adari sine prandimi i chaj oleskiri i Dudija), shaj gndinena sine kaj oleskere dzajbaja kha achovel te kherel buti o KUD”Phralipe”adaleja kha achaven i Kulturakiri prezentacija e Romengiri. O Kud”Phralipe” na achilo te kherel buti, ple programencar thaj aktivnostencar ,soskhe oleskere amala tharo oleskoro anglobeshutnipe na achile, ola Kolektivno khergje buti majadari. Me tharo Fevruari 1990bersh.ikljiljum thari SFRJugoslavija,hem akava fakti na mukela man te hramonav majadari,so ulo trujal hem  kho KUD”Phralipe” Palo da jek vakti KOTORINDILI i Jugoslavija astargja o Phralikano maribe,kotar so bizo maribe i Republika Makedonija iklili bizo maribe sar korkoripeske khi te kherel nevo Radzakoro hem Politikano sistemi. O rajo Abdi Faik (rehabitilirimo) alo tharo Phert-Avstralija, hem kherela i Jekto Romani Politkani Partija”PCER” bash kho than e Romengoro , “Suto Orizari” kho Kher e Kulturakoro,kho KUD”Phralipe”. Jek drom kho 1995bersh.aljum hem sijum sine kho Kongres tharo PCER dikljum man e rajoja ABDI FAIK-seljaminkhergjum o Kongres khi sala tharo Domi e Ternengoro”25 Maj” thaj geljum mangje, irangjuma khi akana Komuna”Shuto Orizari”. Palo sa adava so ulo dzi avdie e Kulturakere kherea,hem e KUD”Phralipaja” achola barem mangje jek baro bidzanipe,thaj nekobor puterde puchipa, kolengje o Roma ovela te gndina:

1.Kheribaja i Komuna”Shuto Orizari” e jekto komunakere manusheja (Gradonachalnikoja) i Radza ali kho shaipe te eliminirini o KUD”Phralipe” hem i Romani Kultura?

2.Kola sa metode thane kherde khi te “Getoizirinelpe” i Komuna “Shuto Orizari”?

3.Isi li nekaskiri personalno dosh bashi eliminacija o “KUD”Phralipe” hem oleskhere prostorie (Sala,kancelarie)?

4.Kote thane o Priznanija,Diplome,o Bronzakoro gerdani tharo i diz Dijon-Francija,o

“Zlaten list na Tatrite” tharo Zakopane-Polska,thaj javera pursakija?

5.Kote isparindile o kufereija kola sine personalno anavencar pherde SHEJENCAR(nosie)

bashi scensko koreografie?

Nekas te isi ole barem hari sovest,bashi sa akava ,te dohramunel akava teksti-soske

thano bute bipendzardencar.

Bare pakhivalipaja (pocit).Ramche Mustafa. Jurnalisti ano

Euromapress