Spread the love

Ki politika hem sledstevno adaleske so desinelape ko SDS ki opshtinsko organizacija ki Shutka na trebela te dikhelpe ko pobuvlo kontekst, osven keda adaja političko borba so ovela andre olende phiravela konsekvenca celo narodoske so zivinela ki Shutka.

I upruni rečenica shaj izgledinela nejasno hem konfuzno soske adala manusha so kerena adaja borba andre ki opshtinsko organizacija vakerena jekh, razmislinena duj, kerena o trin.

I situacija tani sledno, adala manusha tane akana ki čekalna, a ikerena založnikija adalen okolupeste kote so pobuter olendar tane shukar amala, familijarna, ugledna kola so araklile ki nezavidna situacija taro akala okolnostija so chivgja len o SDS.

Shaj li adava so čivela tut ki asavki nezavidno situacija, koshiba, mestiba hem ostala neprincipielna bukja tari i centrala taro SDS, te anel progres amare opshtinake? Nashti anela hem nae te anel.

Isili izlez ki akaja lengiri zlobno, ponižuvačko odnesuvanje prema i romani zaednica ki Shutka?

Isi izlez ako sekova manush tari Shutka dikela akava so kerena e romengje o SDS, ola zajbinena “pumaren” a adaleja celo Shutka. Nikoj amendar nae protiv keda neshto tano shukar e zaednicake, te ove ki pozicija na vlast, te nudine ednakvo životo, te vakere deka ko prvo than tano te chinave o čorolipa a rodeja donacije, sadake te shaj nekaske jekh čaro hajbe delape a ko isto vreme i država na kerela nishto te podobrinel odova.

O izlez tano amende te iklova tari akaja matrica kolaja so razmislinaja hem duri i dar so isi amen, oja adaja dar so isi amen tani opravdano nekaske povishe nekaske pohari taro aspekti so ki akaja phari situacija, skupo životo, i inflacija o danokija so ushtena hem so nae buti, sekoj dikhela te arakhel adava so hari isile te preživinel.

Sekoj amendar tano dužno te arakhel adava hari than so isiamen, sekoj ko po način sar djanela hem kozom djanela ama neka ovel ko ispravno način te ovel i Shutka sa e narodoske, razvijmi ekonomsko, urbano hem kulturno solidno infrastrukturaja.

Sarine mashkar amende djanaja amen,družinaja amen, pijaja kafa zaedno, povrzime familijarno. Oven iskrena sar so sijen amencar keda pijaja kafa zaedno kozom o SDS na achilo pe lafeste, kozom sijen izigrime, kozom adala manusha taro vrvo taro sds namestinena tumen hem panda ka namestinen.

Amari momentalno realnost tani but kriminali, korupcija, ladj ki sekoja strana.

Nakla o vakti e političko cirkuzlukija hem manipulacije, pherde afere hem kriminalija.

Ama dosta olengje, tumen isitumen moznost hem vreme te razmislinen soske sijen političko zrela, iskusna taro adava so naklja erati hem ko isto vreme motivirime taro adava so mangena tumengje hem Shutkake tajsa.

I Shutka mangela reshime problemija, razvoj, shukar zdravstvo, pashe institucije kote so ko prvo than ka oven tumen o manusha hem adava soj o najshukar tumenge, adava tano DOLŽNOST adalengoro so rodena tumari poddrshka koja na trebela te naplatinelpe sar USLUGA.

Adaja ka ovel amari ponuda I SHUTKA SARINENGJE, SARINE E SHUTKAKE!

Loading


Discover more from EU Romapress

Subscribe to get the latest posts to your email.

Discover more from EU Romapress

Subscribe now to keep reading and get access to the full archive.

Continue reading