Trebela li te kherelpe paralela maškar o Džordž Flojd thaj o mudardo Rom andar i diz Toplice ki Češka pala ko policijakoro brutalipe?
Va, si jekh ka jekh o stili sar so sa o Džordž Flojd vi agjar asavke policijakere stilea si mudardo thaj o terno Rom andar akaja diz, kote so oficijalno havljaripe sa so ov mulo taro konsumiribe droga.
Numa ano socijalno netyorkia ulavelape video kote so baš dikelape koyom lungo vrama o policajco pire čangaja bastrininela leskiri men, thaj šungola sar o Rom pištinela.
Vi palo leskoro pištibe o policajco kova so sa leskir čang ki men leskirk na muklja o baro zori ki leskiri men.
Kozom sijem paše pala ko „Lives Black“ matter te iklova ko saste demonstarcije parolaja „O Romane dživdipa si importatno“ („Lives Roma matter“)?
Na pakjava dur sijem andar o kalo phirutnipe kova so buvljardili ani sasti lumia, ko ka bešel pali amende, ko si odova so ka orgaizirinel asavke masovnikane demonstracije ani sasti Europa, pa vi o iklojbe te ovel spontanikano?
Isi džanava so isi manuša kola so si pendžade baši asavke organizacvije numa ko ka delen dumo, ko ka delen bavlal ko lengoro dumo asavke demonstracije taj rodipe hako baši mudardo Rom, ko?
Šaj li ovaja jekhutne bizi diferencija kotar sijem, savi religija bešela pali amende, savi them bešela pali amende, bizi diferencija džanaja jali na džanaja amari dajakiri čhib?
Kozom trebela te gejnav o viktimi so e Roma mule ko pobuter thema tari Istočno Europa, ko thema kola so si vi agjar membrija ano EU, o thema kola so iklile taro komunizam, kova sine but polačeste o dživdipe e romenge ko akala thema.
But pučiba, numa bizo džovapluko, me našti arakava o džovai, o džovapi ka mekav tumenge pred se okolenge kola so tale bare romane patriotija sal tega kana ko lengoro konto ka kuven kaj devize.
O Lives Roma matter valjani te startujnel, nane dobor importatno jali o anav copy paste taro Lives black matter, vi agjar amen dži akana sakana keraja copy paste, khanči nane jamen amaro unikatno.
Dži kote agjar džaja poadari te sova te na ovel amen interes so čipotinelape e romencar ani Češka, Rumunija, Slovačka, Ungarija, Bugaria…togaš sigurno ka avel i vrama kana vi amen ki kupa e gadžencar ka pirava i parola ko amare pike „ Roma lives are not importanta „.
Discover more from EU Romapress
Subscribe to get the latest posts sent to your email.
