O Jasenovac balkansko Aušvic

O nevo filmi ki konkurencia baši Oskar „Dara andar o Jasenovac, ki režia taro Predrag Antonievič si avgo asavko filmi so perela ki kategorija bilačipe mujal o manušipe ki vrama taro Dujto Lumiajako maribe.

O filmi si kerdo ko čačatune paramisja taro manuša kola so ačile ano dživdipe taro akava najbaro balkansko koncentraciono logori.

I premiera taro akava filmi trebula sa te ikerelpe ko 2020 berš sar 75 beršipe taro našipe e panlengoro taro akava logori.

Numa baši pandemia Covid – 19, i data baši premiera e filmeskoro si te ovel ko avgo trinečonegoro avipe taro 2021 berš.

Akava filmi kuvgja sar majšukar avrutno filmi thaj si nominirimo baši Oskar.

Trujal o prcene ko akava koncentraciono logori po dživdipe našavgje 75 000 Srbiancia, Jaudie, Roma, partizania thaj javera manuša kola sa len kontra politika e tegarutne bithinale themakoro Hrvatska.