Prezentirinaja tumengje o intervju e pretsedateleja taro Ping Pong klubi – Shuto Orizari, o Altaj.

1.Koj tane o osnovacija taro ping pong klubi hem koja sine i motivacija te pravgjol jek asavko klubi?

Osnovacija taro akava klubi sijum me  o Mitko Titanik, o Johani poraneshno treneri taro Ping Pong klubi “Karitas” em “Nadez” hem o Mevce isto poranesno igraci kova so momentalno khelela Ping Pong hem zivinela ki Germanija.

Motivacija dobingam Tari bari vojla dikindo e chaven so khelena ko privatna tana ping pong kote dzala  lengoro talenti uzalud I adava inati denga  amen te kera o klubi em basho klubi so kergjam mora te spomnina deka o Gradonacalniko em i opstina pomozinge amen but  te ovel akava klubi anavkerdo Suto Orizari. Em Gordo sijam ko amare cave so kelena cace isi amen baro talenti ko akava sport  isi shukar generacija kote saj vazdaja o anav ROM ko akava sport but upre ama trebela vreme em buti  but te kerelpes em uslovija ama nadinajamen ko shukar te dzal o klubi.

2.Dali isitumen trening sala, kobor puti trenirinena nedelno hem dali isitumen o potrebna uslovija bashi jek profesionalno ping-pong klubi?

Za zal odamna sine precka o finansije i adava kerela amen uvek te tapkina hem na te dza anglal, za zal o uslovija kerena pro, ama mora te ova iskrena amen sijam edinsveno Romano klubi ki Makedonija, a saj slobodno ko sveto da te vakera.

Treninaja 2 puti ki nedela po duj satija, vtornik em cetvrto, a za razlika ko javera klubija naj Hari 3 dzi ko 4 puti trening kerena nedelno po 3 ili 4 satija ki sala ama amen palem na nasavaja vojla terinaja ko trin table mase  već duj tane frdibaske, a na kelibaske, ama I vojla tani bari ka trudinamen kozom shaj te zadrzina akava sport ki Shutka. Amen trenirinaja ki Sredno Skola “Shaip Jusuf”, zadovolno sijem taro kvaliteti e salakoro.

3.O klubi vec postojnela nesavo vreme, ki savi liga natprevarinena tumen, kova tano o najbaro uspeh tumaro dzi akana?

O klubi kerdo tano 2019-to bersh. Formirimo anaveja Suto Orizari ko momenti sijam duje Ekipencar ki 3 Liga  kote odvimi I Liga ko 4 dejlja ko duj dejlja sijam amen  tari Makedonija. Ko prvo delo kote tani I prvo ekipa predvodimi tani taro treneri o Johani, a ki grupa tano ekipencar taro Kumanovo, Jek ekipa Taro Skopje em Kriva palanka kolatar isi amen o prvo poraz ki sezona, a e isto ekipa amendar da jek poraz ko momenti, lencar delinaja o prvo tan laja.

I dujto ekipa predvodimi taro treneri o Mitko oj tani Ekipencar – Duj Taro Skopje em jek Taro Kumanovo em  tani trine pobedencar  em isi amen panda  jek ekipa pionejra kote  me sijum treneri ki jek terni em shuzi generacija nadinajamen o bers sar uspeh  baro te ovel amenge te kuva ki dujto Liga te kera istorija ki akaja generacija, taze sijam sar klubi, ama nadinajamen ko shukar.

4.Isi li tumen diskriminacija taro o javera klubija sar edinstveno romano klubi ki liga kote so khelena?

Adava postojnga bersencar ama te ova hari iskrena nane bash bari soske o sport tano po javer canı. Javer tano soske akate khuveja korkori keleja nane vreme sudije te taktizirinen ko nesto ili te navinel ki sprotivno ekipa akate sijan korkori ki masa.

ALTAJ: Mangaja te sikava sarinengje deka o Roma da shaj ovena bare sportistija

Total Views: 73 ,
Translate »