Ko  05.yanuari 2021 bersheste, ko 13:00 h. sherdingya o angluno rekordipe e “Siklipesko ani distanca”, vash o siklovne e elementaruna skolako thay e anglune nivoeske kotar e klasa 2-5, e plan programea e Ministriako vash o Edukipe, Skencia ani Kosovaki Republika vash e Romani Qhib.

Materialya kola sit e emetingyon ano Kosovako Publikuno Servisi konkretipea Kosovaki Radio Televizia RTK, kote si te oven ko vahti informirime vash o emetipe e materialyengo.

Akava aktiviteto adikergyola prekal o plan program koya kergya e grupa vash o rekordipe e “Siklipesko ano duripe vay distanca”, e reprentyencar e Ministriako vash Edukipe sar kay e profesionalune sikavnencar thay e Romane aktivistyencar, rekordisale 60 siklipeske yekhlina vay siklipya kotar o 5 minutya vash yekhlin, kotar o siklipesko program pe Romani qhib sar kay kotar o plani Romani Qhib1, Romani Qhib2, Romani Qhib3.  

 

O jene kola si angazime vash o rekordipe e “Romane siklipeskko ano duripe” si:

Sheruno koordinatori Daut Qulangji, sheruno redaktori Avdi Misini, Monitoring Gjyzel Shaljani, Romano sikavno Emrah Cermijani, Romani siklovni Urma Menekshe, Jeno vash e baza e siklipesko Senad Gushani.

Sar sheruno koordinatori ano leparno proyekti, siyum but qalarno e istorikune ovipea vash o Roma ani Kosova, kova si ano ledeipe e Ministria vash o Edukipe thay Skencia.

Romane siklovne kotar o 18 to. yanuari  sit e ovelolen shaipe te siklon 60 siklipeske yekhlina pi Romani qhib prekal e RTK platformako thay prekal o YOUTUBE.

 

 

Pandar yekh drom naysi sarenenge kotar e MES, pe qekat e minister vash edukipe thay naysi sarenenge kola dende poro kontributi vash o realizipe akale but ajukerde thay mangle proyekteske vash o Romane siklovne thay Romano komuniteti sar ano than ayekha vi ani diaspora.

Total Views: 103 ,
Translate »