Paše 50.000 persone tari dijaspor dži akana korkorohramojngje pe prekal i aplikacia taro Themakoro ofiso baši statistika ki Utarali Makedonia. O direktori akale ofiseske o Apostol Simovski notiringja kaj ko akava periodo počmingja te perel po hari o interes bašo hramovipa ki dijaspora, em ka startujnen e kampanja te motivirinen e dijaspora te istemalkeren i web aplikacia census.stat.gov.mk em te čhiven pore informacia bašo avutni statistikani operacia – Hramovipa 2021.

Ko starti akaja varijanta istemalkerenala sine paše 7.000 dži ko 8.000 dizutne ko dive, akana o numero si paše 2.500 dizutne ko dive.

O direktori Simovski udžarela kaj o interes ka bajrol palem ko thavdipa e masekoske april kana ka startujnel akaja operacia ko rezidentno dizutne ki Utarali Makedonia.

Kana ka prijavinel pe o dizutno ov majanglal registririnel pe em mukhela piro EMBG, elektronsko adresa, so verifikujnela pe bičhavdie mail baši verifikacia em telefonsko numero, Kana ka registririnel pe em sako dendi informacia ki aplikacia automatsko registririnela tari savi IP adresa si dende o informacie. Dji ki aplikacia bašo hramovipa e diijasporake šaj te aven salde IP adresaja taro stranstvo, thaj sako teleperaviba e procesoske ko khediba informacie šaj te ovel sar došperavibaskoro akti prekal o Kanoni bašo Hramovipa.

Total Views: 39 ,
Translate »