O eratutno derbi mashkar o ekipe taro Inter thaj Milan odbelezingja le i bari raspravija mashkar o Zlatan Ibrahimovic thaj Romelu Lukaku.

O duj fudbalerija khugje ki verbalno raspravija, a hari falingja te ovel bari fizicko presmetka mashkar o duj fudbalerija.

O Ibrahimovic prefrlingja e fudbalereske taro Inter te dzal te kerel pe „Vudu“ glupostija. O Lukaku sebepi odova nashavgja kontrola thaj manglja fizicko te presmetinel pe e Ibrahimoviceja.

Sebepi akala lafija but dzene obviningje e Zlatan Ibrahimovice bashi rasizam, a ov palo sa akava oglasingja pe ko po Twitter profili.

„Ko sveto e Zlataneskoro nane than bashi o rasizam. Sarine sijem amen jek isto rasa – sarine sijem ednakvo! Sarine amen sijem IGRACHIJA, nesave poshukar taro javera” – izjavinga o Ibrahimovic.

Zlatan Ibrahimovic: Mande nane than bashi rasizam! Sarine sijem igrachija, samo nesave sijem poshukar

 

Total Views: 56 ,
Translate »