Spread the love

Prezidentka e Koordinacione trupeski vaš polesko jekhipe e Zorana Mihajlović mothavga avdive kaj bivakteske thaj čhavrikane prandipe, si but ani romani khupatna, thaj prezentuinena seriozno čalavdipe e džuvljikane thaj čhavrikane hakajengo, mothavdo kotar olako kabineti.

Amen sar amalipe odola stereotipja manglape te perava, a praksa save kerena škodra, musaj te prmina, soske čhavrikane prandipe mukena katastrofalno konsekvence pedo mentalno thaj fizičko sastipe e čhajengo, numa ini ano sa amalipe, phenga e Mihajlović ano hramimo mothovdipe kotar 8. marti – Dive e džuvljengo.

Prekal olake lafja, 56 % e čhajengo romane nacionalnosti prandinenape anglo 18 berša, a sakoja šovti čhaj anglo pherde 15 berša, „so kerela seriozno konsekvence vaš olengo đivdipe, soske mukena e škola, bivaktea bijanena, so olen thaj olenge bebe anena ano sasljaribaske rizikia thaj pobaro meribe savo sito duj droma pobaro ze ki butipaski populacia, a haćarena ini pedozoralipe ani familia thaj kerena pobaro čorolipe“.

„Prekal Nacionalno koalicia savu kerena o reprezentatoria resorno institucienge, numa ini amalipenge save resena pučipe e Romengo, kera sa odoja praksa savi prminela sastipe, edukuibe thaj hakaj pedo đivdipe bi pedozoralipa, sa te čhina“, vakarga e Mihajlović.


Discover more from EU Romapress

Subscribe to get the latest posts to your email.

Discover more from EU Romapress

Subscribe now to keep reading and get access to the full archive.

Continue reading