Našavde ani Evropa

Ko palune nekobor berša našavbdile paše 18.000 mile čave emigrantia ani Evropa.

I themutne institucije na džanena kaj o čave , numa gndinena so lengiri situacija nane but šukar.

Asavki fama vazdingjape kana jekh čaj tikni sine čivdi ko centro baši o tikne beršengere čave sar aparthejdia.

Palo nekobor dive sine dendo signali dži ki policia so i čaj našavdili.

Akava sine signali nekobor rdakcisko khera ni Germanija te keren jurnalisteskoro rodibe, prekal i dokumentacia s sine lenge dendi taro instituce. te kuven ki traga taro našavde čave emigrantia, kola so ale ani Evropa taro 2018 berš dži akana.

E Germania legarela šukar dokumentacija baši o čave so avena ani Evropa sar migrantija bizo popure, numa i Francia,Danska thaj i Rumunia na kedena akala dokumentia, ani Bugaria vi agjar na legarena dokumentacia , lenge si sa jekh jali o čavo alo korkori jali bizo pure.

Trujal i Verena Krek tari iInternacionalno organiyacia baši arakhibe e čavengoro ECPAT pakjana so akava numero si but pobaro. Oj dela bari kritika so akava problemi na faisalingjele jekhe kupate registarea taro čave našavde.O Evropol panda ano 2016 berš havljargja baši kriminalno kupe, kla so kerena buti bilegalno transporti migrantengoro, kola so ko adala tranpsortija araklovena vi tikne čave kola so pobut lendar nit na resena ki pli resarin .

A jekh bari agjar numero kola so resena ko institucionalno khera but sig našavgovena bizo arakhiba.

Akala našavde tale akate, ani Evropa numa našti arahenape soske nane evindetirime so kuvgje ki disavi europakiri them, Ola si sar so pakjana tari akaja organiyacija ano kriminalno kupe so si čivde te keren bilegalnikane bukja, thaj vi aagjar si čivde baši tiknjadri prostitucija.

E Europa na trebela te pandel pe jakja, akava trebela te ovel baro alarmi baši o ofisia kola so kerena buti ki akaja problemetika.