Trujal o informacije kola so reslja o Euromapres, i Komuna Gjorče Petrov rodela policisko asistencija dži kote thavdena o thamaribe e zidoskoro ki kupatni Gege, tari rig kote so arakhlovenena e Roma.

I Komuna rodela fizikujno lejbe than tari policija taro 11 juni dži ko 19 juni taro 8 dći ko 16 o ari, dži kote thavdena o bukjarnipe taro thamaribaskere aktivnostija.

Akava rodibe si panlo sebepi so sar so legarena o loklanikane šerutnipa si dar tari fizikujno ataki taro Roma kola so na mekena te thamarelpe o duvari ko drom Anton Kecarov ki kupatni Gege finasirimo taro Ministeriumi baši transport thaj panlin.

Akava proekti prekal o Ministertsvo baši o transport thaj panlin si prekal o anav rekonstrukcija dromeskoro, kote so si ko pnai te čivelpe duvari, sar so sine avgo fore vakerdo učo trin metre thaj palo odova ko pravdipe vakerdo 175 santimetrija kote so ka oven čivde saksije lilugjencar.

Numa prekal o avgo protstija kote so sine havljarde anglo nekobor dive, akava si hohavipe, o lokalnikane romane dizutne vakerena so mangena te čiven duvari te bi šaj učarena e Romen tari akaja rig e gadžikane kherendar.

O Roma tari akaja kupati vakerena so na ka meken te thamarelpe akava duvari, thaj kaj ka arakhenle pire badanencar.

Total Views: 25 ,

Leave a Reply

Your email address will not be published. Required fields are marked *

Translate »