O Rusinco o Aleksander Volkov promoviringape ko pravilno kandidati bašhi UFC titula ki tešhko kategorija , palo so nokautiringa e legendarno Alister Overim so tehničko nokaut ki dujto runda ko glavno meči ki “UFC Fight Night” ko Las Vegas.

Palo so ratvakerga e Overime palo nekozom šhuze kombinacije , o Volkov jekhe silno khujbaja primoringa e sudija o Džejson Hercog te prekininel o meči.

O 32 beršhengoro Volkov tano poranešhno M-1 šhampioni ki tešhko kategorija , a pak tari javer strana o 40 beršhengoro Overim , koj so ki pi karijera pobedinga fajtejra sar o Brok Lesnar , Viktor Belford , Fabrisio Verdum , Andrej Arlovski thaj o Frenk Mir , a akale porazeja najverovatno našhavga piri posledno šhansa te resel ki šhampionsko titula ki tešhko kategorija.

Total Views: 41 ,
Translate »