De varesave djesa palpale, de katar amari Federatsija kontinentalno (akhardi SKOKRA – Saveto katar le organizatsiji aj kumpenji Rromane anda’l Americhi) aj kusa sa le asotsiatsiji kaj sam partja katar e reprezentatsija le Rromengi ande’l diferentne thema kakale goreske, sas amen kontakto une Zhidovitskone ay Xristijanitskone organizatsijentsa kaj keren buchi kethane potriv/prechiv o Antisemitizmo aj o Antizionizmo kaj si p’e lumya.

Pala but chidinimata aj divanuria/svaturia kaj sas amen vi p’o Zoom vi p’o tilifono, ashilamas ke sas te chidinisavas maj jekhvar o 27to Januari kaj si o djes le serimasko katar o slobobodimos le Njamtsitskone logorengo pa’j partja la Lolia Armijaki (e Rrusitsko Armija), vorta kodo djes, and’o 1945.

Amaro chacho tselo pala le but svaturia kaj sas amen maj anglal, sas, te debundis o suporto/dumo le Latino-Amerikanitskone Judongo/Zhidovongo ande kacha stepka amara chingaraki potriv/prechiv o Antitziganizmo kaj si e chuma vaj e dab chugniaki kaj dukhavel amare narodos ande’l maj but anda’l thema kadala lumjake, pe sa le kontinenturia, aj chaches, sokotisavas ke sar dujto stepka, te rodas ek maj vazhno kontakto kavre organizatsijientsa kadalendar kaj si ande kaver thema, aj varekana te das and’o gor te lel pe ek lasho zakono prechiv o Antitziganizmo, sar trobul pe, sar kaj si ande varesave thema pa o temato le Antisemitizmosko kaj shaj dela vas amare narodos p’o marimos prechiv kacha dukh kaj svako djes maj negativno afektil amaro trajo.

O djes le chidinimasko samas p’o Zoom zhene anda uni anda amare organizatsiji kaj si partja la SKOKRAki, sar e AICRA anda’j Argentina, e PRORROM anda’j Kolombia, aj e DOSTA CHILE, kaj reprezentil kukole themes, savorre kethane te sikavas amari pozitsija and’o anav katar amari Federatsija ay katar amaro narodo, kethane le Zhidovontsa katar e Shomer Israel aj e Javerim Israel (Chili), plus uni Xristijanitska Organizatsiji kaj line partja ande kado Internatsijonalno Mitingo.

Amaro golo sas te avas ku sa saglasno kakale organizatsijentsa kaste savorre te suportin amari chingar prechiv o Antitziganizmo, suporto kaj, and’e vurma, chachimasa vi le Xristijanitska vi le Zhidovitska organizatsiji bishade amenge, and’e lashi voja, ek djes maj anglal de sar te realizujil pe o mitingo pe le Holokaustosko djes, aj o phanglimos/pogodimos areslo and’e forma eka ramomenja Deklaratsijaki pa’j partja sa kakale organizatsijengi kaj angazhujisajle te den dumo amare narodos ande sa o kontinento Amerikanitsko, aj te bufljaren la vrjamjasa kado suporto ande kaver kontinenturia aj mashkar kaver grupi organizatsijenge.

Chaches savorre dine amen ramome dumo, numa, dukhajimasa preznajisaras ke si vareso kaj lam anda sa kakala chidinimata le Zhidovontsa aj vi le Xristijanontsa, aj kodo si ke folil amenge difuzija pa o fakto ke vi amaro Narodo sas propodime/destruktime and’o Baro Xajimos, aj ke zhi adjes na but thema, te na phenas chi jekh, den dumo le Rromen kana si konflikturia, persekutsiji vaj marimata, musaj te putras amare jakha kana maladjuvas organizatsijentsa kaj reprezentin ek them aj kamen te suportin amen, ke kado suporto areslo vastestar katar o mutualno chinujimos amare do Narodongo, o Rromano ay o Zhidovitsko, vareso pe soste adjes vi o Xristijanizmo del dumo, numa, but maj but and’e sprava le Zhidovongi. O Holokausto sas o maj nasul kaj shaj trajisarda amaro Narodo ande peski historija, aj vo chidel amen phralitsko le Zhidovontsa pala o rasistitsko motivo savesa getosajlo, musaj te keras te prinzhardjol maj but so gelo pe/trefisajlo, te rodel pe but maj but phralikano suporto te shaj das and’o gor sar Narodo aj te na ashas palpale vaj te xajis ande la lumijaki historija. Naj o maj vazhno katar avilam, numa karing zhas.

Bunuzari (Buenos Aires), Januari 2021

Jorge Bernal

Development of Roma

AICRA – SKOKRA

Argentina


 

Извадок на македонски од состанокот на ромската организација СКОКРА од Латинска Америка

Соединети Роми од двата Американски Континенти заедно со Еврејските организации се состанаа на една конференција во која е донесена одлука за заедничка борба против антициганизмот.

Инаку Ромите од овие два континети се споени во една организација СКОКРА

која е водечка презентативна организација на етничките Роми и која тесно соработува со многу христијански и Евресјки организации, кои често пати заеничко делуват во заштита на човековите права и во Латинска и во Северна Америка.

На 27 јануари преко апликацијата ЗООМ во кое се дискутураше за Холокаустот во кој и двете групи буквално биле истребени за време на Втората Светска војна.

Согледувајки ја тежината на се присутниот антизиганизам , и потребата зад ова борба да застане некој кој има сила и моќ Еврејската заедница ке делува заедно со сите чинители овој вид на расизам да биде искоренет. Во исто време и ромската организација СКОКРА со своите членови ке го искористи свокјот репрезенттивен углед кај Ромите да делуват заеднички во борбата не само против анти циганизмот туку и против анисемитизмот.

Bunuzari (Buenos Aires), Januari 2021

Jorge Bernal

AICRA – SKOKRA

Argentina

Total Views: 105 ,
Translate »